கதையின் நாயகன் சிவா, ஒரு நேர்மையான மற்றும் ஒழுக்கமான கல்லூரி மாணவர். சிவாவின் கனிவான மற்றும் கண்ணியமான குணத்தைக் கண்டு பூஜா அவர் மீது காதல் கொள்கிறார். இவர்களின் காதல் மென்மையாகவும், பரஸ்பர மரியாதையுடனும் வளர்கிறது.
இதற்கிடையே பூஜாவின் அம்மா குடும்பத்தைப் பிரிந்து மறுமணம் செய்து கொண்டவர் என்ற உண்மை தெரியவருகிறது. தனது அம்மாவைச் சந்தித்துக் கேள்வி கேட்க பூஜா சிவாவின் குடும்ப ஆதரவுடன் காசிக்குச் செல்கிறார். ஆனால் அம்மாவை தனியாக பார்க்க சென்ற பூஜா ஹோட்டலுக்கு திரும்பவில்லை.
இவர்கள் காதலை எதிர்க்கும் பூஜாவின் தந்தை சிவாவின் மீது சந்தேகப்பட்டுப் புகார் அளிக்கிறார். ஆனால் பூஜா காணமல் போனதற்கு சிவாவுக்கும் தொடர்பில்லை என தெரிய வருகிறது. பூஜாவுக்கு என்ன ஆனது. இறுதியில் பூஜாவை கண்டுபிடித்தார்களா என்பது மீதிக்கதை..
சிவாவாக நடித்திருக்கும் ஆதவ் கிருஷ்ணா: ஒரு இளைஞனின் காதலையும், அவர் எதிர்கொள்ளும் சவால்களையும் நேர்மையுடன் பிரதிபலித்துள்ளார்.
பூஜாவாக நடித்துள்ள சிம்ரன் அத்வானி: காதல் மற்றும் உணர்ச்சிகரமான காட்சிகளில் நேர்த்தியான மற்றும் வெளிப்படையான நடிப்பை வழங்கியுள்ளார்
பூஜாவின் சிறுவயது போராட்டங்கள் மற்றும் அவரது தாய் ஏன் பிரிந்து சென்றார் என்பது போன்ற காட்சிகள் இன்னும் ஆழமாகப் படமாக்கப்பட்டிருக்கலாம்.
ஒட்டுமொத்த மதிப்பீடு: இந்தத் திரைப்படம் அதன் தூய்மையான காதல் மற்றும் உணர்ச்சிகரமான லட்சியத்திற்காகத் தனித்து நிற்கிறது. காதல் மற்றும் குடும்பக் கதைகளை ரசிப்பவர்களுக்கு இது ஒரு சிறந்த தேர்வாகும்
Leave a Reply