விஜய் ஆண்டனியின் ‘அப்பா குட்டி’ – சக்திவாய்ந்த ஆக்ஷன் குடும்ப திரைப்படம்

நடிகர், இசையமைப்பாளர், எடிட்டர் மற்றும் திரைப்பட தயாரிப்பாளரான விஜய் ஆண்டனி, தனது அடுத்த படைப்பான அப்பா குட்டி மூலம் மீண்டும் ஒரு உணர்ச்சிப்பூர்வமான மற்றும் தரமான திரைப்படத்தை ரசிகர்களுக்கு வழங்க தயாராகியுள்ளார். மு. மாறன் இயக்கியுள்ள இந்தத் திரைப்படம், தந்தை – மகள் உறவை மையமாகக் கொண்டு உருவாகும் ஆக்ஷன் குடும்ப திரைப்படமாக அமைகிறது.

உணர்ச்சிகளைத் தொடும் மற்றும் சமூகத்துடன் தொடர்புடைய கதைகளை உருவாக்குவதில் தனித்துவம் பெற்ற மு. மாறன், இந்தப் படத்தை அதிரடி, குடும்ப பாசம், ஆழமான உணர்வுகள் மற்றும் வலுவான காட்சி அம்சங்களுடன் உருவாக்கியுள்ளார். குடும்ப ரசிகர்களையும், ஆக்ஷன் ரசிகர்களையும் ஒருசேர கவரும் வகையில் படம் வடிவமைக்கப்பட்டுள்ளது.

அப்பா குட்டி திரைப்படத்தின் படப்பிடிப்பு தற்போது வெற்றிகரமாக நிறைவடைந்துள்ளது. இதையடுத்து, பின்னணி பணிகள் ( Post Production )முழு வேகத்தில் நடைபெற்று வருகின்றன. இந்தப் படத்தை வரும் ஆகஸ்ட் மாதத்தில் பிரம்மாண்டமாக திரையரங்குகளில் வெளியிட படக்குழு திட்டமிட்டுள்ளது.

விஜய் ஆண்டனி, இந்தப் படத்தில் உணர்ச்சி ஆழமும் அதிரடி நிறைந்த நடிப்பையும் வெளிப்படுத்தும் கதாபாத்திரத்தில் தோன்றுகிறார். தந்தை மற்றும் மகளுக்கிடையிலான பாசமிக்க உறவை மையமாகக் கொண்ட இந்தக் கதை, அதனுடன் இணைந்த ஆக்ஷன் அம்சங்கள் மூலம் உணர்வுகளை மேலும் வலுப்படுத்துகிறது.

படத்தில் ப்ரீத்தி அஸ்ரணி, லிதான்யா, பகவதி பெருமாள், ஹரிபிரியா, இசையருவி மதன், சித்ரா லக்ஷ்மணன், ஸ்ரீஜா ரவி, வேட்டை முத்துக்குமார், ஜென்சன் தீவாகர், முருகானந்தம், மூணார் ரமேஷ் உள்ளிட்ட பலர் முக்கிய கதாபாத்திரங்களில் நடித்துள்ளனர்.

தொழில்நுட்பக் குழு:

* எழுத்து & இயக்கம் – மு. மாறன்
* இசை – விஜய் ஆண்டனி
* ஒளிப்பதிவு – ராஜீவ் ராஜேந்திரன்
* எடிட்டிங் – விஜய் ஆண்டனி
* தயாரிப்பு வடிவமைப்பு – A. ராஜா
* உடை வடிவமைப்பு – G. அனுஷா மீனாட்சி
* சண்டைக் காட்சிகள் – ராஜசேகர்
* ஒலி வடிவமைப்பு – ரஹமதுல்லாஹ்
* மக்கள் தொடர்பு – ரேகா

ஆக்ஷன், குடும்ப பாசம், உணர்ச்சி மிக்க கதை சொல்லல், இனிமையான இசை மற்றும் ஈர்க்கக்கூடிய திரைக்கதை ஆகியவற்றின் கலவையுடன் அப்பா குட்டி இந்த சீசனின் மிக முக்கியமான குடும்ப பொழுதுபோக்கு திரைப்படங்களில் ஒன்றாக மாறும் என எதிர்பார்க்கப்படுகிறது. ரசிகர்களுக்கு உற்சாகம், உணர்ச்சி மற்றும் மறக்க முடியாத திரையரங்கு அனுபவத்தை இந்தப் படம் வழங்கும் என படக்குழு நம்பிக்கை தெரிவித்துள்ளது.